5A430201 – “Agrosanoat majmui elektrotexnik uskunalari va elektr taʼminoti”

5A430201 – Agrosanoat majmui elektrotexnik uskunalari va elektr taʼminoti mutaxassisligi boʻyicha magistrlar Oliy, malaka oshirish, qayta tayyorlash va oʻrta maxsus, kasb-hunar taʼlimi muassasalarida mutaxassislikka oid fanlarni oʻqitish; Oʻzbekiston Respublikasi Fanlar akademiyasi va tarmoq ilmiy-tadqiqot institutlarida, ilmiy markazlarda va loyixa kostruktorlik korxonalarda ilmiy tadqiqot-konstruktorlik ishlari olib borish,, qishloq xoʻjaligi obyektlarida ishlab chiqarish jarayonlari energetik samaradorligini oshirishga oid chora-tadbirlar ishlab chiqish va tatbiq qilish; ishlab chiqarish jarayonlarini amalga oshirish uchun zarur boʻlgan energetik resurslarni rejalashtirish; ASM energiya isteʼmolchilari energiya taʼminoti muammolarini hal etish boʻyicha samarali, jumladan QTEM laridan foydalanishga asoslangan yechimlarini ishlab chiqish, atrof-muhitni muhofaza qilish va mehnat xavfsizligi talablariga mos kelishi borasida ishlab chiqarish jarayonlarini nazorat qilishda ishtirok etish, ASM korxonalarida energetik tekshiruv va audit amaliyatini joriy etilishini tashkil etish faoliyatlarini yuritishlari mumkin.

5A310201 –Elektr taʼminoti (suv xoʻjaligida)

5A310201 - Elektr taʼminoti (suv xoʻjaligida) mutaxassisligi boʻyicha magistrlar ilmiy, texnikaviy va texnologik masalalar bilan bogʻliq akademik, ilmiy-tadqiqot va muassasa tashkilotlari, ilmiy-tadqiqot markazlari, ilmiy-ishlab chiqarish birlashmalari, oliy va oʻrta maxsus taʼlim tizimining tashkilotlari, davlat boshqaruvi organlari, har xil shakldagi mulk, sanoat va biznes tashkilotlar majmuida va elektr energiyasini ishlab chiqarish, uzatish, tarqatish, taqsimlash va hisob-kitoblarni olib borish, elektr uskunalar ekspluatatsiyasi, energiya nazorati, sinash, sozlash, tuzilmalar, jarayonlar va bu jarayonlarni tadqiqot qilish va takomillashtirish, ularni ishlatishning samarali jarayonlari, ilmiy-tadqiqot va loyihalash-konstruktorlik institutlari, mos kasb-hunar kollejlari va oliy taʼlim muassasalarida faoliyat olib borishlari mumkun.

Magistratura bitiruvchilari magistr akademik darajasini olgandan soʻng oliy taʼlim muassasalari hamda Oʻzbekiston Respublikasi Fanlar akademiyasi va tarmoq ITIlarda katta ilmiy xodim-izlanuvchi va mustaqil tadqiqotchi sifatida ilmiy-tadqiqot ishlarini davom ettirishi mumkin.

5A311001 – Texnologik jarayonlar va ishlab chiqarishni avtomatlashtirish (suv xoʻjaligida

5A311001 – Texnologik jarayonlar va ishlab chiqarishni avtomatlashtirish (suv xoʻjaligida) mutaxassisligi boʻyicha magistrlar Oʻzbekiston Respublikasi Fanlar akademiyasi va tarmoq ilmiy-tadqiqot institutlarida; ilmiy-ishlab chiqarish markazlarida; oliy, malaka oshirish va qayta tayyorlash, oʻrta maxsus, kasb-hunar taʼlimi muassasalarida mutaxassislikka oid fanlarni oʻqitish; suv xoʻjaligidagi turli texnologik jarayonlar va ishlab chiqarishning avtomatlashtirilgan boshqarish tizimlarini boshqarish hamda ulardan foydalanuvchi; davlat boshqaruvi organlari, har xil shakldagi mulk, sanoat va biznes tashkilotlarining majmuaviy masalalarini yechish, texnologik jarayonlar va ishlab chiqarishni avtomatlashtirishga oid namunaviy topshiriqlarni yechish algoritmlari; avtomatlashtirilgan texnologik jarayonlarni tadqiqot qilish va takomillashtirish, ularni ishlatishning samarali jarayonlari, ilmiy-tadqiqot va loyihalash-konstruktorlik jarayonlari, mos kasb-hunar kollejlari va oliy taʼlim muassasalarida pedagoglik faoliyat olib boradi.

Magistratura bitiruvchilari magistr akademik darajasini olgandan soʻng oliy taʼlim muassasalari hamda Oʻzbekiston Respublikasi Fanlar akademiyasi va tarmoq ITIlarda katta ilmiy xodim-izlanuvchi va mustaqil tadqiqotchi sifatida ilmiy-tadqiqot ishlarini davom ettirishi mumkin.

5A430502 – “Smart (intellektual) oʻlchash tizimlari va asboblari” mutaxassisligi

Taʼlim maqsadi: Sugʻorish tizimlarida zamonaviy intellektual informatsion – oʻlchash tizimlari va ularni joriy etish masalalari, intellektual oʻlchash tizimlarining nazariy asoslarini tahlil va sintez qilishni, intellektual oʻlchash tizimlarini tashkil etish, undagi maʼlumotlarni qayta ishlash va aks ettirish usullarini, gidromeliorativ tizimlarda intellektual oʻlchash tizimlari va asboblaridan foydalanish orqali optimal sugʻorish rejimini taʼminlash, gidromeliorativ tizimlarning texnologik jarayonlari parametrlarini avtomatik oʻlchash va nazorat qilish masalalarini oʻrganish boʻyicha nazariy va amaliy bilimlarni shakllantirish, gidrotexnik qurilmalar va gidromeliorativ tizimlar texnik vositalarining sifat koʻrsatgichlarini oʻlchash va nazorat qilishni, intellektual oʻlchash boʻyicha texnik vositalar tadqiqotini olib borish; avtomatlashtirilgan boshqaruv tizimlarida intellektual qurilma va uskunalardan foydalanish; oʻlchash va nazorat qilish obyektlarining ilmiy-tadqiqot ishlari boʻyicha koʻnikma va malakalarni shakllantirishdan iboratdir.

Taʼlim vazifasi: sugʻorish tizimlarida intellektual oʻlchash tizimlarini va asboblarini loyihalash, qurish, tizimda maʼlumotlar uzatish va qabul qilish, maʼlumotlarni qayta ishlash va aks ettirish, energiya resurslarni oʻlchash va taqsimlash ishlarining optimal rejimini taʼminlash, ushbu soha doirasida ilmiy izlanishlar olib borish, samarali eksperimentlar oʻtkazish usullarini puxta oʻzlashtirgan oliy malakali kadrlar tayyorlashdan iborat.

Faoliyat obyektlari: sanoat, qishloq va suv xoʻjaligi mahsulotlari yetishtiruvchi, qayta ishlovchi, eksport qiluvchi korxonalarda mahsulotlar sifatini nazorat etish korxonalari, intellektual oʻlchash tizimlari, komplekslar va asbobsozlikning elementlar bazasi, elementlar ishlab chiqarish texnologiyasi, ularning programma taʼminotini ishlab chiqaruvchi korxonalar; OTM va mos kasb-hunar kollejlari; suv xoʻjaligi boshqarmalari elektr tarmoqlari, nasos stansiyalari va agregatlari; viloyat va tumanlar elektr tarmoqlari korxonalaridagi elektr taʼminoti tizimlari; ilmiy-tadqiqot va ilmiy ishlab chiqarish muassasalari ;energiya nazorat va energiya sotish korxonalarida elektr energiyasini nazorat qilish va yetkazib berish tizimlari.

5A430503 – “Smart sensors and technology” mutaxassisligi

Taʼlim maqsadi: Sanoatning barcha tarmoqlari, jumladan qishloq va su xoʻjaligi tarmoqlarida noelektrik kattaliklarni elektr oʻlchash datchiklari, zamonaviy intellektual datchiklar, raqamli texnika va texnologiyalardan foydalanish orqali samaradorlik va energiya tejamkorlikni oshirish xususiyatlari, intellektual datchiklar va ularni ishlab chiqarish texnologiyalarining nazariy asoslarini bilish, tahlil va sintez qilish, intellektual datchiklar va ularni ishlab chiqarish texnologiyalarini yaratish, intellektual datchiklarning programma vositalarini ishlab chiqish, qishloq xoʻjalik mahsulotlari ishlab chiqarishida va sugʻorish tizimlarida intellektual datchiklardan foydalanish orqali elektrotexnik qurilmalarning optimal ish rejimlarini taʼminlash, mahsulotlar tannarxini kamaytirish kabi masalalarni oʻrganish boʻyicha nazariy va amaliy bilimlarni shakllantirish, intellektual datchiklardan keng foydalanish; oʻlchash va nazorat qilish obyektlarining ilmiy-tadqiqot ishlari boʻyicha koʻnikma va malakalarni shakllantirishdan iborat.

Taʼlim vazifasi: qishloq va suv xoʻjalik ishlab chiqarish tizimlari uchun intellektual oʻlchash datchiklari, raqamli texnika vositalarini loyihalash, qurish, ularni ishlab chiqarishda mahalliy elementlardan foydalanish va ishlab chiqarish texnologiyasini yaratish, intellektual datchiklarni joriy etish orqali elektrotexnik qurilmalarning optimal ish rejimlarini taʼminlash, ushbu soha doirasida ilmiy izlanishlar olib borish, samarali eksperimentlar oʻtkazish usullarini mukammal egallagan oliy malakali kadrlar tayyorlashdan iborat.

Faoliyat obyektlari: sanoat va qishloq xoʻjalik mahsulotlari yetishtiruvchi, qayta ishlovchi, eksport qiluvchi korxonalarda mahsulotlar sifatini nazorat etish korxonalari, intellektual oʻlchash datchiklari va tizimlari, raqamli texnika vositalari va raqamli asbobsozlikning elementlar bazasi, raqamli sistemalar elementlari ishlab chiqarish texnologiyasi, ularning programma taʼminotini ishlab chiqaruvchi korxonalar; OTM va mos kasb-hunar kollejlari; qishloq va suv xoʻjaligi boshqarmalari elektr tarmoqlari, nasos stansiyalari va agregatlari; qoʻshma korxonalar, texnika va texnologiyalarni eksport va importi bilan shugʻullanuvchi korxonalar; ilmiy-tadqiqot va ilmiy ishlab chiqarish muassasalari; energiya nazorat va energiya sotish korxonalarida elektr energiyasini nazorat qilish va yetkazib berish tizimlari.